Túrkistan oblysynda jylytý maýsymynyń bastalýyna oraı úgit-nasıhat jumystary júrgizilýde
Ordabasy aýdandyq TJB aǵa ınjeneri, azamattyq qorǵaý aǵa leıtenanty N.Qalqaman turǵyn úılerdi aralap, órt qaýipsizdigi men ýly gazben ýlanýdyń aldyn alý máselelerin aıtyp ótti. Adamdardyń qaýipsizdigin qamtamasyz etý maqsatynda shaǵyn kásibi bar azamattarǵa gazdy qaýipsiz paıdalaný týraly aıtyp, arnaıy daıyndalǵan 500 dana jadynama taratty.
Sondaı-aq, jekemenshiktegi úılerde jylytý kezeńiniń aldynda jáne keıin 3 aı saıyn tútindikter men murjalardy kúıeden tazartý kerektigin eskertti. Shatyr asty bólmelerdegi barlyq tútin joldary men qubyrlaryn júıeli túrde tekserip otyrý qajettigin jetkizdi. Peshterdi qatty qyzdyrýǵa jáne qatty otynmen jaǵylatyn peshterdi jaǵý úshin benzın, kerosın, basqa da tez janatyn suıyqtyqtardy paıdalanýǵa bolmaıtynyn atap ótti.
Jylytý peshiniń janynda aǵashtardy, janǵysh zattardy, tez janǵysh suıyqtyqtardy saqtaýǵa bolmaıtynyn úıretti. Jaǵylǵan peshterdi, kerosın shamdaryn, kerogazdardy qaraýsyz qaldyrýǵa jáne peshtiń jaǵylýyn balalarǵa qaraýdy tapsyrýǵa bolmaıtynyn aıtty.
Al, Saryaǵash aýdany Tótenshe jaǵdaılar bóliminiń qyzmetkerleri bas maman A. Qyryqbaı men bólimniń ınjeneri S. Ospan Saryaǵash aýdandyq halyqqa qyzmet kórsetý bóliminiń qyzmetkerlerine «Alǵashqy órt sóndirý quraldaryn paıdalaný», «Ýly gazdan saq bolyńyzdar» taqyryptarynda arnaıy profılaktıkalyq sabaq ótkizdi. Ondaǵy qyzmetkerlerdiń kókeıindegi suraqtarǵa naqty jaýaptar berdi.
Tótenshe jaǵdaılar bólimi qyzmetkerleriniń josparynda halyq jappaı shoǵyrlanatyn oryndarda arnaıy úgit-nasıhat jumystaryn ótkizý men arnaıy sabaqtar, semınar-jınalystar bar jáne bul is-sharalar jospar boıynsha oryndalýda.
