Túrkistan oblysynda jyl basynan beri 755 turǵyndy qańǵybas ıt qapqan

TÚRKІSTAN. QazAqparat – Túrkistan oblysynda jyl basynan beri 3580 azamat ártúrli janýarlardan jaraqat alǵan. Onyń ishinde 755 azamat qańǵybas ıtten zardap shekken, dep habarlaıdy QazAqparat tilshisi.

Óńirde mysyqtan, jylqydan, ýaq maldan da teperish kórgender bar.

Máselen, 120 turǵyn mysyqtan, 49 adam jylqydan, 9 adam ýaq maldan zardap shekken.

Sondaı-aq, 68 azamat basqa da janýarlardan zábir kóripti.

«Sanıtarııalyq-epıdemıologııalyq baqylaý basqarmalarynyń epıdemıologtary veterınarııalyq qyzmet mamandarymen birlesken sharalardy júzege asyryp, oryn alǵan oshaqtarda tekserý jumystaryn júrgizip jatyr. 20 janýar qutyrý aýrýyna kúdikti retinde tekserilip, onyń bireýi oń nátıje berdi. Asa qaýipti juqpaly aýralardyń aldyn alý sharalary Túrkistan oblysy sanıtarlyq-ejpıdemıologııalyq baqylaý departamentiniń qatań baqylaýynda», - deıdi departamenttiń baspasóz hatshysy Ardaq Berden.