Túrkistan oblysynda jyl basynan beri 5 adam sýǵa batyp ketken
TÚRKІSTAN. QazAqparat – Túrkistan oblysynda jyl basynan beri 5 adam sýǵa ketip, qaza boldy.
Bul týraly oblystyq Tótenshe jaǵdaılar departamenti bastyǵynyń orynbasary Erik Sarybaev Óńirlik kommýnıkatsııalar qyzmetinde ótken brıfıngide málimdedi, dep habarlaıdy QazAqparat tilshisi.
Erik Sarybaevtyń aıtýynsha, sýǵa batýdyń eki oqıǵasy Maqtaral aýdanynda tirkelgen. Qaıǵyly oqıǵa sondaı-aq, Jetisaı, Ordabasy aýdandary men Arys qalasynda bolǵan. Jazataıym oqıǵalardyń barlyǵy derlik azamattardyń sý jaǵalaýlarynda qaýipsizdik erejelerin saqmatmaýyna baılanysty bolǵan.
«Sýǵa batqandardyń úsheýi balalar, ekeýi eresek adamdar. Balalar sýattar janynda úlkenderdiń qaraýynsyz qalyp, abaısyzda sýǵa qulap ketken. Olar júzýdi bilmegen. Osyǵan baılanysty turǵyndardy saqtyq sharalaryn ustanýǵa shaqyratyn túsindirý jumystaryn júrgizip jatyrmyz», – dedi Erik Temirhanuly.
Sondaı-aq, departament bastyǵynyń orynbasary óńirde jyl basynan beri 14 dala órti tirkelgenin atap ótti. Orman sharýashylyǵyna keltirilgen materıaldyq shyǵynnyń jalpy somasy shamamen 802,2 myń teńgeni quraǵan. Aımaqta 2347,8 gektar ormandy alqap janyp ketken.
