Túrkistan oblysynda jyl basynan beri 40 kókpar ótkizilgen
Atalǵan jaıttardy reıd barysynda anyqtaǵan polıtseıler, tıisti shara kórilý úshin qajetti qujattardy jınaqtap, SEBB-ǵa joldaýda.
Degenmen karantın sharalaryn elemeıtin azamattardyń sany azaımaı otyr.Osylaısha olar halyq densaýlyǵyn qaýipke ıtermeleýde.
Osyndaı bir top adamdy jınap, kókpar ótkizýdiń kezekti jaıty Tólebı aýdanynda anyqtaldy.
Aýdandyq polıtsııa bóliminiń qyzmetkerleri Abaı aýyldyq okrýgine reıdtik tekserý jumystaryn júrgizdi.
Nátıjesinde Abaı aýyly mańynda 120-ǵa jýyq adamnyń qatysýymen ótkizilip jatqan «bata kókpar» toqtatylyp, polıtsııa qyzmetkerlerimen túsindirý jumystary júrgizildi.
Kókparǵa jınalǵan halyq birden tarqatyldy.
Kókpardy uıymdastyrýshy Tólebı aýdanynyń turǵynyna qatysty QR ÁQBtK-niń 425-baby 1-bólimimen materıaldar jınaqtalyp, ákimshilik hattama toltyrý úshin SEBB-ǵa jiberildi.
Nátıjesinde quzyrly organ turǵynǵa 30 AEK kóleminde aıyppul saldy.
Óz kezeginde Túrkistan oblysynyń polıtseıleri azamattarǵa karantın rejıminiń talaptaryn qatań saqtaýdy, buqaralyq sporttyq jáne basqa da is-sharalardy ótkizýden bas tartýǵa keńes beredi.
Karantın kezinde sanıtarlyq-epıdemıologııalyq normalardy saqtaý qajet. Sondaı-aq, medıtsınalyq betperde taǵyp, antıseptıkter qoldanyp, áleýmettik araqashyqtyqty saqtaǵan jón.
