Túrkistan oblysynda jyl basynan beri 26 adam sýǵa ketken
TÚRKІSTAN. QazAqparat - Túrkistan oblysynda jyl basynan beri 24 qaıǵyly jaǵdaı tirkelip, 26 adam sýǵa ketken. Bul týraly tótenshe jaǵdaılar qyzmetiniń basshylyǵy málimdedi, dep habarlaıdy QazAqparat tilshisi.
Sýǵa batqandardyń 14-i úshten segiz jasqa deıingi balalar bolyp otyr. Shomylý maýsymyn qorytyndylaǵan TJ qyzmetkerleriniń aıtýynsha, eresekterdiń sýǵa ketýi negizinen mas kúıinshe shomylýynan bolǵan. Bazbiri júzýdi bilmese de, sýǵa túsip, balalaryn qaraýsyz qaldyryp qoıady. Saqtandyrý keýdeshesin kımeı balyq aýlap, qaıǵyly jaǵdaılarǵa dýshar bolady.
Osyndaı jaǵdaılardyń aldyn alý úshin qutqarýshylar ishki ister qyzmetkerlerimen birge shomylý oryndaryn aralap, 923 reıd ótkizgen. Jaǵajaılarda ishimdik ishkeni úshin 30 adamǵa 340 myń teńge kóleminde aıyppul salynǵan.
