Túrkistan oblysynda jyl basynan beri 17 para alý deregi tirkeldi
Kentaý qalasyndaǵy sanıtarlyq epıdemıologııalyq baqylaý basqarmasynyń bas mamany sanıtarlyq epıdemıologııalyq salaýattylyq salasyndaǵy jáne densaýlyq saqtaý obektilerine qoıylatyn sanıtarlyq talaptarǵa sáıkes júrgizilgen tekserý barysynda júıeli túrde para alǵany úshin kináli dep tanylyp, 21 mln 300 000 teńge aıyppul jazasyna sotty bolǵan. Al, sol bas mamanǵa «Ashyq» jobasy boıynsha jumys isteý úshin ońdy sanıtarlyq epıdemıologııalyq qorytyndy alý úshin 5 azamat para bergen. «Barlyǵyna sot úkimimen aıyppul tóleý jazasyna taǵaıyndaldy», - dedi QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary Sámet Nurdáýlet.
Sondaı-aq, Saryaǵash aýdandyq sotynyń úkimen Qazyǵurt keden beketiniń bas mamany ózbekstandyq júk kóligi júrgizýshisinen 20 myń teńge para alý deregimen kúdikti dep tanylyp, aıyppul tóleý mindetimen jazaǵa tartylǵan.
