Túrkistan oblysynda jyl basynan beri 10 adam sýǵa ketken, onyń 7-i balalar

TÚRKІSTAN. QazAqparat - Túrkistan oblysynda jyl basynan beri 10 adam sýǵa ketip, qaıtys boldy. Onyń ishinde 7 kámeletke tolmaǵan jasóspirim bar, dep habarlaıdy QazAqparat tilshisi.

Tótenshe jaǵdaılar departamenti mamandarynyń uıymdastyrýmen oblys aýmaǵyndaǵy sýǵa túsý aımaqtarynda turǵyndardyń qaýipsizdigin saqtaý is-sharalary turaqty túrde júrgizilip keledi. Máselen, alty aı ishinde Qazaqstan Respýblıkasynyń «Ákimshilik quqyq buzýshylyq týraly» Kodeksiniń 440 baby «Alkogoldik ishimdikterdi ishý nemese qoǵamdyq oryndarǵa masań kúıde kelý» boıynsha 184 adamǵa 2 mln. 052 myń 210 teńge kóleminde ákimshilik aıyppul salynǵan. Sondaı-aq, 218 azamatqa eskertý berilgen.

Aıta keteıik, bir aı buryn Túrkistan oblysynda sýǵa batyp ketken sheteldik stýdentterdiń denesi áli tabylmady.