Túrkistan oblysynda jyl basynan beri 10 adam sýǵa ketken, onyń 6-aýy – bala

TÚRKІSTAN. QazAqparat – Túrkistan oblysynda jyl basynan beri 10 adam sýǵa ketken. Onyń ishinde 6 kámeletke tolmaǵan bala bar, dep habarlady QazAqparat tilshisi.

Ótken jyly óńirde 37 adamnyń sýǵa batý faktisi tirkelgen. Onyń ishinde 27 bala bar. Al, keıingi 7 jylda 328 adam sýǵa batyp ketken. Onyń da jartysynan kóbi – kámelet jasqa tolmaǵan jetkinshekter.

Bıyl jyl basynan beri oblysta 10 qaıǵyly oqıǵa tirkelip otyr. Bul joly da 6 balany sý aǵyzyp áketken.

«Kúnniń jylynýyna baılanysty turǵyndar sý aıdyndarynda qaýipsizdik sharalaryn qatań saqtaýy tıis. Jas balalardy baqylaýsyz qaldyrmaý qajet. Sondaı-aq, ózen arnalaryna barǵanda jáne tabıǵatqa demalysqa shyqqanda balalardy qastarynan alysqa jibermegeni durys. Úıde de balalardyń ózenge jaqyn jerde oınamaýyn qadaǵalaý kerek», - deıdi Túrkistan oblysy Tótengshe jaǵdaılar departament azamattyq qorǵanys basqarmasynyń aǵa ofıtseri B. Qurmash.

Aıta keteıik, osydan birshama ýaqyt aldyn Túrkistanda joǵalǵan 11 jasar qyzdyń máıiti kanaldan tabylǵanyn jazǵan bolatynbyz.