Túrkistan oblysynda júrgizýshiler polıtseılerge para bermek bolǵan
TÚRKІSTAN. QazAqparat - Túrkistan oblysynyń polıtseıleri tártip saqshylaryna para berýge tyrysqan júrgizýshilerdi ustady, dep habarlaıdy QazAqparat Polisia.kz-ke silteme jasap.
Shymkent-Samara tas jolynda Túrkistan oblysy PD Ózindik qaýipsizdik basqarmasynyń qyzmetkerleri ákimshilik jaýapkershilikke tartylmaý úshin polıtseıge para bermek bolǵan «KamAZ» avtokóliginiń júrgizýshisin ustady. «Para berý» retinde qaralatyn quqyqqa qarsy áreketter týraly patrýldik polıtsııa tarapynan birneshe ret eskertýlerge qaramastan, zań buzýshy para bergen. Munyń bári patrýldik polıtsııa batalony polıtseıleriniń beınejetondaryna túsirilgen.
Er adam óz isin tolyq moıyndady. Sonymen qatar, júrgizýshige qatysty QR ÁQBtK-niń eki baby boıynsha ákimshilik hattama toltyryldy: 590-bap (Memlekettik nemese mindetti tehnıkalyq baıqaýdan ótpegen kólik quralyn basqarý) jáne 602-bap (Kólik quraldary júrgizýshileriniń táýliktiń jaryq ýaqytynda syrtqy jaryq quraldaryn jáne (nemese) dybys sıgnaldaryn paıdalaný erejelerin buzýy).
Dál osy kúni Saryaǵash aýdanynda ÓQB qyzmetkerleri, tártip saqshylaryna jol qozǵalysy erejelerin buzyp, ony jasyrý úshin para bermek bolǵan taǵy bir kúdiktini ustady. Saryaǵash aýdanynyń turǵyny «VAZ» avtokóliginiń júrgizýshisi óziniń quqyq buzǵan áreketteri úshin polıtseıler tarapynan qylmystyq jaýapkershilikke tartylatynyn bile tura, ony boldyrmaý maqsatynda patrýldik polıtsııa batalonynyń qyzmetkerlerine aqsha usynǵan. «VAZ» júrgizýshisiniń bul zańsyz áreketteri tártip saqshylarynyń vıdeojetondaryna tirkelgen.
Quqyqbuzýshy óz kinásin tolyq moıyndap, oǵan qatysty QR ÁQBtK-niń úsh baby boıynsha Ákimshilik quqyq buzýshylyq týraly hattama toltyryldy: 230-bap (Qazaqstan Respýblıkasynyń mindetti saqtandyrý týraly zańnamasyn buzý), 593-bap (Jol qozǵalysy erejelerinde kózdelgen jolaýshylar men júkterdi tasymaldaý, qaýipsizdik beldikterin nemese motoshlemderdi paıdalaný jónindegi talaptardy saqtamaý) jáne 612-bap (Qujatsyz jáne kólik quralyn basqarý quqyǵy joq adamnyń kólik quralyn basqarýy). Qazirgi ýaqytta eki kúdiktige qatysty QR QK-niń 367-baby 1-bóligi (Para berý) boıynsha sotqa deıingi tergeý amaldary júrgizilýde. /
