Túrkistan oblysynda jumysshylarǵa arnalǵan jataqhana órtenip ketti
TÚRKІSTAN. QazAqparat - Túrkistan oblysynda geologııalyq barlaý qyzmetimen aınalysatyn kásiporyn aýmaǵynda jumysshylardyń jataqhanasy órtenip ketti, dep habarlaıdy QazAqparat.
«23 aqpan kúni saǵat 20.43-te Daǵdarysty jaǵdaılardy basqarý ortalyǵyna Túrkistan oblysynyń Sozaq aýdanynda saǵat 05.15-te «Volkov Geologııa» AQ aýmaǵynda sendvıch panelden turǵyzylǵan jataqhananyń órtengeni týraly habarlama tústi. Jalyn sharpyǵan aýmaq 1420 sharshy metrdi qurady. Órtke qarsy qyzmet shaqyrylǵan joq. Tilsiz jaý «Qutqarýshy Taý-ken» AQ memlekettik emes órtke qarsy qyzmetiniń kúshimen (15 adam, 2 tehnıka) saǵat 08.00-de sóndirildi», - dep málim etti QR Іshki ister mınıstrligi Tótenshe jaǵdaılar komıtetiniń resmı ókili Nursultan Nurahmet.
Resmı ókildiń aıtýynsha, jataqhanada 45 adam turyp jatqan. Órtten keıin olar 20 shaqyrym jerdegi Taıqońyr aýylyndaǵy jataqhanaǵa ornalastyryldy.
«Qurbandar men zardap shekkender joq», - dep naqtylady TJK ókili.
