Túrkistan oblysynda jumyrtqa qymbattaǵan
TÚRKІSTAN. QazAqparat – Túrkistan oblysynda jumyrtqa baǵasy 355 teńgeden 361 teńgege ósken, dep habarlaıdy QazAqparat tilshisi.
Qalǵan 14 taýar (nan, qunbaǵys maıy, sary maı, sıyr eti, taýyq eti, tuz, kartop, qumsheker, kúrish, qyryqqabat, qaraqumyq, aıran, súzbe) boıynsha jaǵdaı turaqty.
Bul týraly oblystyq kásipkerlik jáne saýda basqarmasynyń basshysy Nurbaqyt Imanqulov málimdedi.
Al, básekelestikti qorǵaý jáne damytý departamenti basshysynyń orynbasary Danabek Mahatov deldaldyq shemalardy anyqtaý jáne naryqty taldaý jumystary júrgizilip jatqandyǵyn aıtty.
«Departamentpen taýyq jumyrtqasyn (S-1 sanaty) óndirýmen jáne satýmen aınalysatyn 2 naryq sýbektisine («Bes qara» JShS, «ıAssy qus» ShQ) qatysty QR básekelestikti qorǵaý salasyndaǵy zańnamasyn buzý belgileriniń bolýy týraly habarlama jiberdi. Óz kezeginde, «ıAssy qus» ShQ satý baǵasyn 30 teńgeden 27 teńge, ıaǵnı 10%-ǵa tómendetý jolymen departamenttiń habarlamasyn oryndady», - dedi ol.
Jalpy búgingi tańda turaqtandyrý qorynda quny 547,1 mln teńgege 5 749,7 tonna azyq-túlik taýary bar.
