Túrkistan oblysynda júk kótergish kóliktiń júrgizýshisi mas kúıde kólik basqarǵan
TÚRKІSTAN. QazAqparat - Áleýmettik jelide polıtseılerdiń jol boıynda júrgizýshini kóliginen májbúrlep túsirip jatqany týraly beınejazba taraldy, dep habarlaıdy TO PD baspasóz qyzmeti.
Túrkistandyq polıtseıler ishimdik ishken júrgizýshini tez arada ustap, bolýy múmkin jol apatynyń aldyn aldy. ıAǵnı úlken kóshe boıynda jol erejesin óreskel buzǵan júrgizýshi ustaǵan.
Anyqtalǵandaı, Túrkistandyq polıtseılerge 05.09.2021 jyly saǵat 19:00 shamasynda S.Erýbaev kóshesi boıynan júk kótergish avtokóliginiń jol erejesin buzyp kele jatqany jáne júrgizýshisiniń mas halde bolýy múmkin ekeni týraly habarlama túsken.
Aqparat boıynsha der kezinde Túrkistan QPB JPQ PPR avtoekıpajy oqıǵa ornyna jetti. Sodan jol erejesin buzǵan kólikti toqtatý kezinde, júrgizýshi polıtseıdiń zańdy talabyna baǵynbaı, qala kóshelerimen qashqan. Odan ary jaqyn aımaqta júrgen PPR avtoekıpajdardyń kómegimen qashqan kólik kedergi jasaý arqyly toqtatylyp, júrgizýshi májbúrli túrde túsirilgen.
Júrgizýshi jergilikti turǵyn bolyp shyqty. Oǵan qatysty QR ÁQBtK-niń 5 birdeı babymen ákimshilik hattama toltyryldy. Olar: 595-baby (manevr), 606-baby (avarııalyq jaǵdaı týǵyzý), 599-baby (baǵdarshamnyń tyıym salynǵan belgisinen ótý), 613-baby (zańdy talapqa baǵynbaý) jáne masań kúıde kólik basqarǵany anyqtalyp, 608-baby boıynsha jaýapqa tartyldy.
