Túrkistan oblysynda júk kólikterine qatysty reıdtik sharalar ótýde
TÚRKІSTAN. QazAqparat - Túrkistan oblysynyń kóliktik baqylaý ınspektsııasy men Túrkistan oblysynyń Polıtsııa departamenti, Túrkistan oblysynyń jolaýshylar kóligi jáne avtomobıl joldary basqarmasynyń uıymdastyrýymen oblys aýmaǵyndaǵy joldarǵa turaqty túrde reıdtik sharalar júrgizilýde, dep habarlaıdy QazAqparatóńir basshysynyń baspasóz qyzmetine silteme jasap.
Shara barysynda 1157 ákimshilik quqyqbuzýshylyq is qozǵaldy, nátıjesinde 24 mıllıon 891 myń teńge somasynda aıyppul salynyp, onyń 22 mıllıon 956 myń teńgesi óndirilgen.
Reıdtik is-sharalardyń basym kópshiligi Tórtkól-Arys baǵytynda ınertti materıaldardy (qum, tas, qumdy shaǵal tas jáne t.b.) tasymaldaý jáne Badam-Saryaǵash baǵytyndaǵy joldarda jemis-jıdek tasymalymen aınalysatyn tranzıttik kólikterge qatysty júrýde. Sondaı-aq, júk kólikterdiń oske túsiretin salmaǵyn retke keltirý úshin oblystyq mańyzy bar avtomobıl joldarynda reıdtik sharalar júrgizilip jatyr.
