Túrkistan oblysynda júk kólikteri úshin qozǵalys shekteldi

TÚRKІSTAN. QazAqparat – Aýa raıynyń qolaısyzdyǵyna baılanysty Túrkistan oblysynyń keı joldarynda júk kólikteriniń júrýine shekteý qoıyldy, dep habarlaıdy QazAqparat tilshisi.

Búgin saǵat 17:00-den bastap Túrkistan oblysyndaǵy Qorǵas-Almaty-Taraz-Shymkent avtojolynyń A-2 tas jolynda júk kólikteri úshin qozǵalys shekteldi.

Aýa raıynyń qolaısyzdyǵyna baılanysty Túlkibas aýdanynyń aýmaǵynda qar men borannan jol júrý qaýiptiligi artqan. Bul týraly Túrkistan oblystyq Tótenshe jaǵdaılar departamentiniń baspasóz qyzmeti habarlady.

Aıta keteıik, Túrkistan oblysynda eki-úsh kún qatarynan jaýǵan jańbyr sońy qarǵa ulasty. Kúnniń sýytýynan keı baǵyttaǵy joldarda kóktaıǵaq týyndady.