Túrkistan oblysynda júk kóligi kópir qorshaýyna soǵylyp, Qyrǵyzstan azamaty kóz jumdy
TÚRKІSTAN. QazAqparat - Túrkistan oblysynda júk kóligi kópir qorshaýyna soǵylyp, jolaýshy qaza tapty, dep habarlaıdy QazAqparat.
13 shilde keshki ýaqytta «Batys Eýropa-Batys Qytaı» tasjolynda «Volvo» júk kóliginiń júrgizýshisi Qyzylorda qalasyna qaraı bet alyp bara jatyp, kópirdiń qorshaýyna soqtyǵysty.
Apat saldarynan avtokólik órtenip ketti.
Sondaı-aq alǵan jaraqatynan júk kóliginiń jolaýshysy, Qyrǵyzstan azamaty oqıǵa ornynda qaıtys boldy.
Apat ornyna birden patrýldik polıtsııa qyzmetkerleri men anyqtaýshylar jetti.
Júk kóliginiń júrgizýshisi, Qyrǵyzstan Respýblıkasynyń azamaty Saıram APB-ǵa jetkizildi.
Polıtseıler oqıǵanyń tolyq mán-jaıyn anyqtap jatyr.
Qazirgi ýaqytta atalǵan jaıt boıynsha QR QK 345-baby 3-bóligi boıynsha sotqa deıingi tergeý júrip jatyr.
Óz kezeginde Túrkistan oblysynyń polıtseıleri júrgizýshilerdi jol qozǵalysy erejelerin saqtaýǵa jáne joldarda abaı bolýǵa shaqyrady.
