Túrkistan oblysynda joldar sapasyz jóndelgen
QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti óńirde jańadan tóselgen joldardyń sapasyna keshendi monıtorıngtik baqylaý jumystary júrgizilgen bolatyn.
Atalǵan shara barysynda Boraldaı aýylyna qarasty Batyrshaev, Jambyl, Jumadil kósheleri men Aqjar aýylyna baratyn avtomobıl joldardyń sapasy men qaýipsizdigi baqylandy. Jyljymaly jol zerthanalyq kóligi arqyly jańadan tóselgen asfalt beton jamylǵysynan kesindi synamalar alyndy. Bir kúndik baqylaý jumystarynyń nátıjesinde Boraldaı aýyldyq okrýgi, Aqjar aýylyna baratyn avtomobıl joldyń asfalt beton jamylǵysynda birqatar kemshilikter anyqtaldy. Joldyń eki shetine tas tóselmegeni jáne sý aǵatyn qubyrlarǵa beton quıylmaǵany, oıyq shuńqyrlar talapqa saı jamalmaý derekteri belgili boldy. Jańadan salynǵan joldan birqatar aqaýlar baıqaǵan sala mamandary anyqtalǵan kemshilikter boıynsha merdiger mekemelerge akt túzip, kompanııa basshylaryna qaıta jóndeýden ótkizý boıynsha usynystaryn bildirdi.
Aıta keteıik, Agenttiktiń bastamasymen Túrkistan óńirinde qolǵa alynǵan «Sapaly jol – Adaldyq alańy» jobasy aıasynda oblysqa qarasty barlyq qala/aýdandara tóselgen jańa joldardyń sapasy men qaýipsizdigine apta saıyn turaqty negizde baqylaý jumystary turaqty túrde júrgizilip keledi.