Túrkistan oblysynda jolda qalǵan 35 adam qutqaryldy

TÚRKІSTAN. QazAqparat - Túrkistan oblysynda jolda qalyp qoıǵan 35 adam qutqaryldy, dep habarlaıdy QazAqparat tilshisi.

Búgin Kentaý-Sholaqqorǵan tas jolynyń 55-i shaqyrym jerindegi Aşysaı asýynda qalyp qoıǵan 35 adam qutqaryldy. Kóktaıǵaqtan avtokólikterdiń keptelisi paıda bolyp, joldar jabylyp qalǵan.

«2 júk kóligi men 8 jeńil avtomobıl jolda qalyp qoıǵan. Qutqarýshylar men polıtsııa qyzmetkerleri kólikterdi súırep shyǵaryp, ishindegi 35 adamdy qaýipsiz jerge alyp shyqty. Olardyń ishinde 2 bala bar» delingen Túrkistan oblysy TJD baspasóz qyzmeti taratqan habarlamada.

Aıta keteıik, búgin tańerteń Túrkistan oblysynda kóktaıǵaqtan Aşysaı-Sholaqqorǵan joly jabylǵanyn habarlaǵan bolatynbyz.