Túrkistan oblysynda jolda qalǵan 130 jolaýshy qonaq úıler men meshitterge ornalastyryldy
Kún raıynyń kúrt nasharlaýyna baılanysty Túlkibas aýdanynyń tártip saqshylary kúsheıtilgen rejımde qyzmet atqarýda.
Bir tún ishinde polıtsııa qyzmetkerleri qar qursaýynda qalǵan 130 avtokólik júrgizýshisi men jolaýshylaryna kómektesip, jaqyn mańdaǵy qonaq úıler men meshitterge ornalastyrǵan. Olardyń ishinde sheteldikter de bar.
«Men Ózbekstan Respýblıkasynyń azamatymyn. Túlkibas aýdanyndamyz, joldar taıǵaq bolýyna sáıkes polıtseıler toqtatyp, qaýipsizdigimizdi qamtamasyz etip, qonaq úılerge ornalastyryp jatyr. Kólikpen qozǵalý múmkin emes. Polıtsııa qyzmetkerlerine raqmet aıtamyn!», - deıdi ol.
Táýlik boıy kezekshilikte turǵyn tártip saqshylary taıǵaqtyń kesirinen jol jıegine shyǵyp ketken kólikterdiń dońǵalaǵyna qum seýip, qardan tazalap, qaýipsiz aımaqqa ótýlerine járdem berip jatyr.
«Turǵyndardyń qaýipsizdigin qamtamasyz etý baǵytyndaǵy jumystar júıeli túrde júzege asyrylýda. Asa qajettilik bolmasa aýa raıy qubylǵan sátte uzaq jolǵa shyqpaý kerek. Al jol júrýge májbúr bolǵan jaǵdaıda mindetti túrde kóliktiń maýsymǵa saı jabdyqtalyp, qajettiliktermen qamtamasyz etilgeni jón!», - deıdi tártip saqshylary.
