Túrkistan oblysynda jolaýshyny zańsyz tasymaldaýshylar 30,3 mln teńge aıyppul tóledi

TÚRKІSTAN. QazAqparat – Túrkistan oblysynda zańsyz jolaýshy tasymaldaýshylarmen kúres júrgizý úshin jalpy 434 reıd ótkizilip, 1605 ákimshilik hattama toltyrylǵan. Nátıjesinde 30,3 mln teńgege ákimshilik aıyppul salyndy, dep habarlaıdy QazAqparat tilshisi.

Oblystyq Jolaýshylar kóligi jáne avtomobıl joldary basqarmasynyń basshysy Rolan Ibragımovtiń aıtýynsha, ótken jyly tek basqarma tarapynan 68 reıd uıymdastyrylǵan.

«Jolaýshylardy zańsyz jolmen tasymaldaǵandarǵa 340 ákimshilik hattama toltyrylyp, kináli júrgizýshiler 6,4 mln teńge kóleminde aıyppul tólegen. Saryaǵash pen Maqtaaral aýdandarynda jolaýshylar men júrgizýshilerge zańnamalardy túsindirý jumystary júrgizildi», - dedi basqarma basshysy Rolan Ibragımov.

Óńirde sondaı-aq, turaqty baǵyttar ashý jáne eldi mekenderdi qoǵamdyq kólikpen qamtý boıynsha 15 turaqty baǵyt ashylǵan. 14 eldi meken qoǵamdyq kólikpen qamtylyp, bul salanyń oblystaǵy úlesi 98,0% jetken.