Túrkistan oblysynda jol jıeginen tabylǵan eki jasar qyz bala anasyna tabystaldy
NUR-SULTAN. QazAqparat - Saryaǵash aýdanda jergilikti polıtsııa qyzmetiniń ýchaskelik polıtsııa ınpektory, polıtsııa leıtenanty Palhodjaev Berik jol boıynda jalǵyz ózi júrgen 2 jas shamasyndaǵy qyz balany taýyp aldy, dep habarlaıdy Oblystyq PD baspasóz qyzmeti.
Polıtseı búldirshinniń ata-anasyn anyqtaý maqsatynda shuǵyl izdestirý jumystaryn júrgizgen. Nátıjesinde balaqaıdyń anasyn taýyp, aman-esen qolyna tapsyrdy.
2 jastaǵy balanyń ata-anasy Túrkistan oblysy polıtsııa departamentine sheksiz alǵysyn bildirdi.
Tekserý barysynda anyqtalǵandaı, anasy úı sharýalarymen aınalysyp júrgen kezinde qaraýsyz qalǵan búldirshin aýladan belgisiz baǵytqa qaraı shyǵyp ketken. Sonymen qatar, qyzdyń ata-anasyna balalardy qaraýsyz qaldyrýǵa bolmaıtyndyǵy aıtylyp, túsindirý jumystary júrgizildi.
