Túrkistan oblysynda jol jabylyp, taý ortasyndaǵy aýyl qar qursaýynda qalyp qoıdy
AŞYSAI. QazAqparat - Kendi taýdyń arasynda ornalasqan Aşysaı aýylyna baratyn joldar ýaqytsha jabyq, dep habarlaıdy QazAqparat.
Búgin Kentaý qalasy ákimdiginiń uıymdastyrýymen Túrkistan oblysy tótenshe jaǵdaılar departamentiniń ókilderi jáne №12 ÓSB jeke quramymen birlesip, qolaısyz aýa raıy kezinde jol talǵamaıtyn «KAMAZ» júk kóligimen Aşysaı aýyly turǵyndaryna kómek qolyn sozdy.
Qar qursaýynda qalǵan Aşysaı aýylyndaǵy 40 otbasyn azyq-túlikpen qamtamasyz etti.
22-24 qańtar aralyǵynda aýa raıynyń kúrt ózgerýine baılanysty taýly aýdandardaǵy Kentaý-Aşysaı avtokólik joldary jabyldy.
Tabıǵattyń tosyn minez tanytýynan turǵyndardyń qaýipsizdigin qamtamasyz etý maqsatynda ınternet jelilerinde aýa raıy buzylatyny eskertilip, habarlandyrý jarııalandy.
Habarlandyrýǵa qaramastan alys jolǵa shyqqan turǵyndar qar qursaýynda qalyp, qutqarýshylardyń kómegine júgingen.
Kentaý qalasyndaǵy №12 ÓSB baılanys beketine jolda qalyp qoıǵan avtokólik ıelerinen kómek suraǵan qońyraýlar kóbeıgen.
Jedel qutqarý jumystaryna Kentaý qalasynyń tótenshe jaǵdaılar bólim qyzmetkerleri jáne №12 ÓSB jeke quramymen qatysty.
