Túrkistan oblysynda jol jabylyp, 600-ge jýyq jolaýshy kólikterde aıaldap otyr

ASTANA. QazAqparat – Túrkistan oblysy Túlkibas aýdany aýmaǵynda jol jabylyp, 600-ge jýyq jolaýshy aıaldap otyr, dep habarlaıdy QazAqparat Tótenshe jaǵdaılar mınıstrliginiń telegram kanalyna silteme jasap.

Túlkibas aýdanynyń Shaqpaq-baba aýyly, A-2 «Qorǵas-Almaty-Taraz-Shymkent-Tashkent» tasjolynyń jabyq ýchaskesi aldynda (593-632 km, Jambyl oblysy-Mashat eldi mekeni) 120 jeńil, 100 júk kóligi, 600-ge jýyq jolaýshy jáne 15 jolaýshylar avtobýsy jınalyp qaldy.

Túlkibas aýdanynda ystyq tamaqpen qamtamasyz etilgen 3 jylytý pýnkti ashyldy. Adamdar qajet bolǵan jaǵdaıda jylytý pýnktine jetkiziledi.

Jumysqa tótenshe jaǵdaılar, polıtsııa departamentteriniń, jergilikti atqarýshy organdardyń, jedel medıtsınalyq járdem brıgadasynyń kúshteri men quraldary jumyldyryldy.

Sonymen qatar, jedel jeli telefony iske qosylǵan: 8 (7253) 357881