Túrkistan oblysynda jol-kólik oqıǵasynan kóz jumǵandar sany kóbeıgen

TÚRKІSTAN. QazAqparat – Túrkistan oblysynda jol-kólik oqıǵalarynan qaza tapqandardyń sany 10%-ǵa kóbeıgen. Bul týraly oblystyq polıtsııa departamenti jergilikti polıtsııa qyzmeti basqarmasynyń bastyǵy, polıtsııa polkovnıgi Asylhan Tórehanov keshe ótken brıfıngte aıtty, dep habarlaıdy QazAqparat tilshisi.

Óńirde qabyldanǵan sharalardyń nátıjesinde jol-kólik oqıǵalary ótken jyldyń tıisti kezeńimen salystyrǵanda 42,1%-ǵa, jaraqattanǵandar sany 53,3 %-ǵa tómendegen. Al, qaza tapqandardyń sany 10%-ǵa ósip otyr. Sondaı-aq, jyldamdyqty arttyrý, jaıaý júrginshini qaǵyp ketý, avtokólikti mas halde basqarý jáne araqashyqtyqty saqtamaý kórsetkishteri de artqan.

«Búginde oblys aýmaǵynda respýblıkalyq, oblystyq mańyzy bar jáne eldi mekenderdegi joldardy jóndeý, syzbalaryn syzý, jol belgilerin aýystyrý jumystary bastaldy. Odan bólek, jol boıyna úı janýarlarynyń maketteri men birqatar qala, aýdandarda mektep aldyndaǵy joldarǵa sary tústi eskertý pannolary ornatyldy. Departament bastyǵynyń nusqaýyna sáıkes, qala, aýdandarda apattardy azaıtý maqsatynda birnúktelik jedel-profılaktıkalyq is-sharasy ótkizilip jatyr. Ondaǵy basty nazar jyldymdyqty arttyrý, qarsy jolaqqa shyǵý, basyp ozý jáne manevr jasaý erejelerin buzý, kólikti mas halde basqarý derekterin anyqtaýǵa baǵyttalǵan», - dedi Asylhan Tórehanov.