Túrkistan oblysynda jol-kólik oqıǵalary 17 paıyzǵa ósken
«Qorǵaý» júıesi Túrkistan oblysynda da jumys istep tur. Atalǵan júıe arqyly anyqtalǵan zań buzýshylyqtarǵa oraı 341 adam júrgizýshi quqyǵynan aırylǵan. Sondaı-aq, 28 jalǵan nómirmen júrgen kólik anyqtalǵan. Jalpy 3000 avtokólik arnaıy turaqqa qoıylǵan.
Kezdesýde mınıstr 25 ret jol erejesin buzǵan 102 nomerli «Kia» avtokóliginiń ıesine 966 000 teńge aıyppul salynǵanyn aıtty. Al, «Audi» nómirli kóligi 24 ret jol erejesin buzyp, 1 mln teńgege jýyq aıyppul arqalaǵan. 15 ret zań buzǵan Hıýndaı kóligi de 586 000 teńge tóleýi tıis.
«Mynalardyń nege jolyn kespeımiz. Jaýaptylyqtan bosatylǵan erteń qylmys jasaıdy. Bir kún ishinde kólikter aıypturaqqa qoıylýy kerek. Turǵyndardyń qaýipsizdigi basty nazarda» - dedi Marat Ahmetjanov.
Mınıstrdiń aıtýynsha, Túrkistan oblysynda jol-kólik oqıǵalary 17 paıyzǵa ósken. Jyl basynan bergi 5 aıda 80 adam kólik apatynan qaıtys bolǵan. Bul kórsetkishti ótken jylmen salystyrǵanda 27 paıyzǵa óskenin kóremiz.
