Túrkistan oblysynda jol erejesin buzýshylarǵa tórt mlrd teńge aıyppul salyndy
TÚRKІSTAN. QazAqparat – Oblysta jol-kólik oqıǵalarynyń sany ótken jylmen salystyrǵanda 14,8%-ǵa, qaza bolǵandar sany 5,4%-ǵa, jaraqat alǵandar sany 23,1%-ǵa azaıdy. Respýblıkalyq mańyzy bar avtojoldardaǵy apattar sany 16%-ǵa azaıdy. Bul týraly Túrkistan oblysynyń ákimdigi janyndaǵy zań buzýshylyqtyń aldyn alý jónindegi vedomstvoaralyq komıssııa otyrysynda aıtyldy, dep habarlaıdy QazAqparat.
Otyrys oblys ákimi Ómirzaq Shókeevtiń tóraǵalyǵymen ótti.
Jyl basynan beri oblys joldarynda 265 myńǵa jýyq zań buzýshylyq anyqtaldy. 4 mlrd teńgege jýyq somaǵa aıyppul salyndy, onyń jartysynan astamy óndirilip alyndy.
Polıtsııa jol-kólik oqıǵalarynyń negizgi sebepterin anyqtady. Olardyń ishinde jyldamdyqty asyrý, qaýipti manevrler, jol sapasynyń nasharlaýy, sondaı-aq joldarda úı janýarlarynyń kenetten shyǵa kelýi bar. Jıynda quqyq qorǵaý organdarynyń ókilderi jol boıynda qadaǵalaýsyz júrgen úı janýarlarynyń ıelerin ákimshilik jaýapkershilikke tartý týraly máseleni kóterdi.
