Túrkistan oblysynda jol apatynan úsh bala men júrgizýshi qaza tapty

ShYMKENT. QazAqparat - Shymkent -Samara avtojolynyń 115 shaqyrymynda bolǵan jol apaty tórt adamnyń ómirin qıdy, dep habarlaıdy QazAqparat QR Іshki ister mınıstrliginiń baspasóz qyzmetine silteme jasap.

Olardyń úsheýi - kámelettik jasqa tolmaǵan balalar.

«Búgin Shymkent - Samara avtojolynyń 115 shaqyrymynda «Neksııa» jeńil avtokóligi men «Hendaı stareks» mınıveni soqtyǵysty. Jaraqat alǵan jolaýshylar aýrýhanaǵa jetkizildi. Ókinishke qaraı, 2014 jyly týǵan eki bala men 2004 jyly týǵan jasóspirim medıtsınalyq mekemege barar jolda kóz jumdy», - dep habarlady QR ІІM baspasóz qyzmeti.

Sonymen birge, «Neksııa» kóliginiń júrgizýshisi aýrýhanada qaıtys boldy.

QR ІІM habarlaýynsha, oqıǵa ornyna oblystyq polıtsııa departamentiniń basshysy bara jatyr.