Túrkistan oblysynda jol apatynan 4 adam kóz jumdy
TÚRKІSTAN. QazAqparat - Túrkistan oblysynda oryn alǵan jol kólik oqıǵasy kezinde 4 adam qaıtys bolyp, 1 adam jansaqtaý bólimine jetkizildi. Bul týraly Túrkistan oblystyq Polıtsııa departamentiniń baspasóz qyzmeti facebook-tegi paraqshasynda jazdy.
«2019 jyldyń 2 tamyzynda keshki ýaqytta Tólebı aýdanynyń aımaǵy Almaty-Tashkent-Termez jolynda jol apaty boldy. Shymkent qalasyna qaraı baǵyt alǵan júk kóligi qarama qarsy baǵytqa shyǵyp ketip, «Aýdı» markaly jeńil kóligi men «Kamaz»júk kóligimen soqtyǵysyp, sodan soń janyp ketken. Jol kólik oqıǵasynyń saldarynan «Aýdı» kóliginiń júrgizýshisi men eki jolaýshysy qaza boldy, al júk kóliginiń júrgizýshisi aýrýhanaǵa jetpesten kóz jumdy. Sondaı-aq «Aýdı» kóliginiń bir jolaýshysy dene jaraqattarymen jan saqtaý bólimine jetkizildi»,-delingen habarlamada.
Sondaı-aq onda «Kamaz» kóliginiń júrgizýshisi din aman ekendigi aıtylady. Qazirgi tańda atalǵan jaıt boıynsha QR Qylmystyq kodeksiniń 345-baby «Kólik quraldaryn basqaratyn adamdardyń jol júrý nemese kólik quraldaryn paıdalaný qaǵıdalaryn buzýy» boıynsha sotqa deıingi tekserý amaldary júrgizilýde.
Saraptamalar taǵaıyndaldy. Polıtseıler oqıǵanyń tolyq mán-jaıyn anyqtaýda.
