Túrkistan oblysynda joǵalyp ketken 13 jastaǵy qyz tabyldy
TÚRKІSTAN. QazAqparat - Túrkistan oblysynda habar-osharsyz ketken qyz tabyldy. 13 jastaǵy jasóspirim otbasylyq janjaldan keıin úıinen ketip qalǵan, dep habarlaıdy QazAqparat tilshisi.
Ata-anasy qyzynyń iz-túzsiz ketkenin aıtyp, Shardara aýdandyq polıtsııa basqarmasynyń kezekshi bólimine aryzdanǵan. Jergilikti turǵyndar kámeletke tolmaǵan qyzynyń áli kúnge deıin oralmaı otyrǵanyn kórsetken. Osydan keıin qyz balany izdestirýge Shardara APB barlyq jeke quramy men Túrkistan oblysy polıtsııa departamentiniń Krımınaldy polıtsııasy jumyldyrylyp, jan-jaqty jumystar júrgizildi. Jedel ókilder joǵalǵan qyzdyń tanystary men dostaryn surastyryp, olardan jaýap alǵan. Іzdestirý sharasynyń nátıjesinde 13 jasar qyz tabyldy. Ol osy ýaqytqa deıin qurbysynyń úıinde bolǵan. Joǵalǵan qyz aman-esen ata-anasymen tabysty.
Osy rette oblys polıtseıleri ata-analarǵa balalaryna barynsha muqııat bolýdy eskertedi. Kóp jaǵdaıda jasóspirimderdiń joǵalý sebebi - ata-ananyń balaǵa salǵyrt qaraýy, otbasyndaǵy ózara túsinispeýshilik jáne bala men ata-ananyń ótpeli kezeń qıyndyqtaryna tóze almaýy.
