Túrkistan oblysynda joǵalyp ketken 13 jasar qyz tabyldy
TÚRKІSTAN. QazAqparat – Túrkistan oblysynda joǵalyp ketken 13 jasar qyz tabyldy, dep habarlaıdy QazAqparat.
Saryaǵash APB-ne jergilikti turǵyn aryzdanyp kelgen. Onyń aıtýynsha kúndizgi saǵat 16:30 shamasynda 13 jasar qyzy qazir kelemin dep, úıinen shyǵyp, sodan oralmaǵan.
Saryaǵash APB-niń qyzmetkerleri tolyq quramda qyzdy izdeýge kiristi. Tártip saqshylary joǵalǵan qyzdy tez arada tabý maqsatynda, synyptastarynyń úılerin jeke-jeke aralap, mektep basshylarymen baılanysty. Jáne de bilýi múmkin degen adamdardan surastyrý jumystaryn júrgizdi. Sonyń nátıjesinde 4 saǵatta qyzdyń júrgen jeri anyqtaldy. Ol óziniń úıinen keıingi 4-kóshede jalǵyz kele jatqan jerinen tabyldy. Qazirgi tańda jasóspirim qyz ata-anasyna aman-esen tabystaldy.
Polıtsııa qyzmetkerlerimen anyqtalǵandaı, qyz negizinde ata-anasyna eskertip, qurbylarymen tamaqtaný ortalyǵyna shyqqan. Alaıda ata-anasy qyzynyń sózine mán bermegen. Osylaısha qyzyn joǵaldy dep oılap, tártip saqshylaryna habarlaǵan. Óz kezeginde qyzynyń din-aman tabylǵanyna qýanyp, anasy polıtseılerge alǵysyn bildirdi. Atalǵan jaıtqa baılanysty jasóspirimniń ata-anasyna QR ÁQBtK-niń 442-baby «Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy» boıynsha ákimshilik hattama toltyryldy.
Osy tusta polıtseıler ata-analarǵa, óz ul-qyzdarymen sóılesip, ótpeli kezeńinde dos retinde olardyń oıyna mán berýdi eskertedi. Sondaı-aq, olardy únemi baqylaýda ustaý kerek.
