Túrkistan oblysynda joǵalyp qalǵan 3 jasar búldirshin toıhana mańynan tabylǵan
TÚRKІSTAN. QazAqparat – Túrkistan oblysy Arys qalasynda aýlada oınap júrgen 3 jasar búldirshin joǵalyp ketken. Balany ózdiginen taba almaǵan ata-anasy polıtsııaǵa aryzdanǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, búldirshinniń anasy ulynyń keshki saǵat 19:15-ter shamasynda esik aldynda oınap júrgenin aıtqan. Sodan soń anasy artynan izdep shyqqan kezde joq ekenin baıqaǵan.
Balany shuǵyl izdestirýge kirisken tártip saqshylary sol aımaqty kólikterimen aralap, kóshelerdiń arasyndaǵy qýystardyń barlyǵyn túgelimen qarap shyqqan. Osylaısha jedel júrgizilgen izdeý sharalarynyń nátıjesinde búldirshin eki saǵattyń ishinde aýyl ishinde ornalasqan toıhanalardyń biriniń aldynda oınap júrgen jerinen tabylǵan.
Ol tez arada ata-anasyna jetkizilgen.
