Túrkistan oblysynda joǵalǵan jasóspirim jumys istep júrgen jerinen tabyldy
TÓLE BI. QazAqparat – Polıtseıler Túrkistan oblysynyń Tóle bı aýdanynda iz-túzsiz joǵalyp ketken jasóspirimdi úsh kúnnen keıin jumys istep júrgen jerinen tapty, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, balanyń ákesi Tóle bı aýdandyq PB-ǵa aryzdanǵan. Onyń aıtýynsha 2005 jylǵy uly úıine oralmaǵan. Atalǵan jaıt boıynsha jedel-izdestirý sharalaryn júrgizgen tártip saqshylary jaqyn aımaqtardy aralap shyǵyp, kýágerlerden surastyrǵan. ıÝvenaldy polıtsııa ınspektorlary arqyly sýretteri taratylyp, úsh kún boıy qarqyndy jumystar júrgizgen. Nátıjesinde, joǵalǵan bala úıinen 25 shaqyrym qashyqtyqta Leńgirde júrgen jerinen tabyldy.
«Tergeý barysynda oqýshy balanyń jumys izdep, aqsha tabamyn degen oımen úıinen ketkeni anyqtaldy. Aýdan ortalyǵynda bir jigitpen tanysyp, jumys isteý maqsatynda sonyń úıinde túnep júrgeni belgili boldy. Polıtseıler mektep oqýshysyn úıine jetkizip, ákesine tabystady», - delingen habarlamada.
Óz kezeginde ulyn aman-esen taýyp bergeni úshin týystary tártip saqshylaryna rızashylyqtaryn bildirdi.
