Túrkistan oblysynda joǵalǵan qyzdyń denesi aýyl turǵyndarynyń biriniń úıinen tabyldy

TÚRKІSTAN. QazAqparat – Atalǵan oqıǵa QR Qylmysyq Kodeksiniń 99-baby «Adam óltirý» boıynsha tirkeldi. Saraptama taǵaıyndaldy. Sotqa deıingi tergeý júrip jatyr, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, 13 shilde kúni Saryaǵash aýdandyq polıtsııa bólimine jergilikti turǵyn kámeletke tolmaǵan qyzynyń joǵalyp ketkeni týraly aryz túsirgen.

Jedel-izdestirý is-sharalary barysynda polıtsııa qyzmetkerleri qyzdyń denesin aýyl turǵyndarynyń biriniń úıinen tapty. Qyzdyń denesinde jaraqat izderi bolǵan.

Kúdikti Saryaǵash aýdandyq polıtsııa bólimine jetkizilip, qamaýǵa alyndy. Іstiń mán-jaıyn anyqtalyp jatyr.

Oqıǵa ornyna polıtsııa bóliminiń basshylyǵy, aýdandyq prokýrordyń orynbasary jáne jedel-tergeý toby bardy.

«Tergeý barysy Túrkistan oblysy polıtsııa departamenti basshylyǵynyń jiti baqylaýynda»,-delingen habarlamada.