Túrkistan oblysynda joǵalǵan 7 týrıstiń ekeýi áli tabylmaı jatyr
«Túrkistan oblysynda joǵalǵan týrısterdi izdeý jalǵasyp jatyr. Ázirshe esh nátıje bolmaı tur. Іzdeý jumystaryna 127 adam, 15 tehnıka, 3 kvadrakopter, 3 kınologııalyq top jáne 1 tikushaq jumyldyrylǵan», - dedi mınıstrliktiń resmı ókili.
Talǵat Ýálıdiń naqtylaı túsýinshe, izdeý jumysyna jumyldyrylǵan mamandardyń qatarynda oblystyq tótenshe jaǵdaılar departamentiniń 61 qyzmetkeri, 6 tehnıkasy jáne 1 kvadrakopteri, Shymkent qalalyq TJD-nyń 2 qyzmetkeri, 1 tehnıkasy jáne 2 kvadrakopteri, QR TJM Respýblıkalyq jedel qutqarý otrıadynyń 18 qutqarýshysy, 3 kınologııalyq toby men 4 tehnıkasy, «Qazavıaqutqarý» AQ-nyń 1 tikushaǵy, QR UQK Shekara qyzmetiniń 9 áskerı qyzmetshisi jáne joǵalǵan týrısterdiń 5 týysy bar. Sonymen qatar Ózbekstan Tótenshe jaǵdaılar mınıstrliginiń 7 qyzmetkeri, 2 júzý quraly men 1 tehnıkasy týrısterdi izdeý jumysyna qol ushyn berip jatyr.
