Túrkistan oblysynda joǵalǵan 40-tan asa túıe tabyldy
TÚRKІSTAN. QazAqparat - Túrkistan oblysynyń polıtseıleri joǵalǵan 40-tan asa túıeni taýyp, ıesine qaıtardy. Malshynyń izdeý salǵan maly qaraýsyz, on shaqyrym jerde jaıylyp júrgen bolyp shyqty, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, túıelerdiń joǵalǵany týraly Sozaq aýdandyq polıtsııa bóliminiń kezekshilik bólimine jergilikti eki turǵyn aryzdanǵan. Olar bos jaıylymnan 40-tan astam túıeleriniń joǵalǵandyǵyn aıtqan.
«Joǵalǵan túıelerdi tezdetip izdeý maqsatynda polıtsııa bóliminiń qyzmetkerlerinen jedel-tergeý toby quryldy. Birneshe mobıldik top jaqyn jerdegi bos jaıylymdyq jerler men taǵy da basqa aýmaqtardy túgelimen tekserip shyqty. Tártip saqshylarynyń aldyn ala júrgizgen tekserý sharalary nátıjesinde alys jaıylymnan joǵalǵan túıelar tabyldy. Sóıtip zańdy ıelerine qaıtaryldy. Jergilikti turǵyndar tártip saqshylaryna maldaryn izdeý barysynda kásibılik pen jedeldilik tanytqandary úshin alǵystaryn bildirdi», delingen baspasóz qyzmetiniń habarlamasynda.
