Túrkistan oblysynda joǵalǵan 14 jastaǵy qyz kórshi óńirden tabyldy
TÚRKІSTAN. QazAqparat - Túrkistan oblysynyń polıtseıleri joǵalǵan 14 jastaǵy qyzdy Shymkent qalasynan tapty, dep habarlaıdy QazAqparat.
Túrkistan oblysynyń Ordabasy aýdandyq polıtsııa bólimine Temirlan eldi mekeniniń turǵyny habarlasqan. Ol óziniń kámeletke tolmaǵan qyzy 21 sáýir kúni úıinen shyǵyp ketip, qaıta oralmaǵanyn aıtqan.
14 jastaǵy mektep oqýshysyn izdestirýge Ordabasy APB-niń tolyq quramy, onyń ishinde kezekshi polıtseıler, ýchaskelik ınspektorlar jáne jedel-izdestirý qyzmetkerleri jumyldyryldy. Tártip saqshylary barlyq baǵyttarǵa óz bólimderin jiberip, onyń ornalasqan jerin anyqtaý úshin shuǵyl is-sharalar júrgizdi.
«Nátıjesinde joǵalǵan jasóspirim tabylyp, ata-anasyna qaıtaryldy. Qazir polıtseıler bolǵan oqıǵanyń mán-jaıyn anyqtaý ústinde. Qyzdyń anasy Nurgúl Dúısenbekova polıtsııa qyzmetkerlerine alǵys bildirdi», - delingen oblystyq Polıtsııa departamentiniń aqparatynda.
