Túrkistan oblysynda jergilikti turǵynnyń úıinen 10 keli marıhýana tabyldy
TÚRKІSTAN. QazAqparat - Túrkistan oblysynda jergilikti turǵynnan 10 keliden asa marıhýana tárkilendi. Kúdikti esirtki zatyn polıetılendi paketterge orap, jertólege jasyryp kelgeni anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń habarlaýynsha, sezikti Esirtki bıznesine qarsy kúres basqarmasynyń qyzmetkerleri men Saryaǵash APB birlesip júrgizgen jedel-izdestirý sharasy barysynda ustalǵan. Onyń úıin tintý kezinde marıhýanaǵa uqsas esirtki zatyn tabylǵan. Saraptamaǵa sáıkes, bul jalpy salmaǵy 10 kg-nan asa marıhýana ekeni anyqtalǵan.
«Atalǵan jaıt QR QK 296-babynyń 4-bóligine sáıkes «Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý» qylmysy boıynsha sotqa deıingi tergep-tekserýdiń biryńǵaı tizilimine tirkeldi. Kúdikti qamaýǵa alynyp, tergeý amaldary júrgizilýde. Qazir polıtseıler kúdiktiniń iri mólsherde esirtkini qandaı maqsatta ózinde saqtaǵanyn anyqtaýda», delingen habarlamada.
Aıta keteıik, Túrkistan oblysy Polıtsııa departamentiniń esirtkige qarsy kúres basqarmasymen ótken jyly 6 tonnadan asa esirtki zatynyń zańsyz aınalymy tárkilendi. 20-ǵa jýyq esirtki zattardy saqtaý derekteri anyqtalǵan.
