Túrkistan oblysynda jergilikti turǵyndy uryp, betine túkirgen polıtseı qyzmetinen bosatyldy
TÚRKІSTAN. QazAqparat - Túrkistan oblysynda jergilikti turǵyndy uryp, betine túkirgen polıtseı qyzmetinen bosatyldy. Onyń ústinen sotqa deıingi tergeý amaldary bastaldy, dep habarlaıdy QazAqparat tilshisi.
Aıta keteıik, Instagram áleýmettik jelisinde bir jigittiń ekinshisin uryp, ony balaǵattaǵan túsirilgen beınekórnis tarap ketken bolatyn. Dórekilik tanytqan er adam tipti ekinshi jigittiń betine túkirip ketken edi. Keıinnen kúsh kórsetken azamattyń tártip saqshysy ekeni belgili boldy. Ol Túrkistan oblysy, Shardara aýdanyndaǵy tabıǵat qorǵaý polıtsııasynyń ınspektory bolyp shyqty. Oblystyq PD búgin ádep saqtamaǵan qyzmetkerdiń jumystan bosatylǵanyn habarlady.
«Áleýmettik jelilerde Túrkistan oblysy polıtsııa qyzmetkeriniń zańsyz áreketteri boıynsha Shardara APB QR QK 293-babynyń ("Buzaqylyq") 1-tarmaǵy boıynsha SDTBT-ne tirkeýge alyndy. Sotqa deıingi tekserý amaldary júrgizilýde. Óz kezeginde oblystyq polıtsııa departamentiniń Ózindik qaýipsizdik basqarmasy qyzmettik tekserý júrgizdi. Departamenttiń tártiptik komıssııasynyń sheshimi boıynsha Shardara APB-niń polıtseıi Іshki ister organdary qatarynan shyǵaryldy» delingen habarlamada.
Belgili bolǵandaı, polıtseıdiń mundaı áreketke barýyna áıeline degen qyzǵanysh sebep bolypty. ıAǵnı, bóten jigit onyń áıeline sms hattar joldaǵan. Sony bilip qoıǵan polıtseı osylaısha qoqan-loqy kórsetip, betine túkirip ketken.
Aınur Aqbaeva
