Túrkistan oblysynda jer qoınaýyn zańsyz paıdalanýshylarǵa tıisti shara qoldanylady
TÚRKІSTAN. QazAqparat – Túrkistan oblysynda zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kóshpeli otyrysy ótti. Májiliste jer qoınaýyn paıdalanýdaǵy zańsyzdyqty joıý men onyń aldyn alý sharalary talqylandy, dep habarlaıdy QazAqparat tilshisi.
Úılestirý keńesiniń jumysyna oblys ákimi Ómirzaq Shókeev pen oblys prokýrory Nurǵalym Ábdirov, qala men aýdan ákimderi jáne prokýrorlar, quqyq qorǵaý jáne tabıǵatty paıdalanýdy retteý salasyndaǵy ýákiletti organdarynyń birinshi basshylary qatysty.
Keńes otyrysynda baıandama jasaǵan oblys prokýrorynyń birinshi orynbasary Artyqbek Pashaev jer qoınaýyn zańsyz paıdalaný máselesimen kúresýde jergilikti atqarýshy jáne ýákiletti memlekettik organdary tıisti deńgeıde jumys júrgizbeı, nátıjesinde kóptegen zań buzýshylyqtarǵa jol berilip jatqanyn atap ótti. Onyń sózinshe, tabıǵat paıdalanýshylarǵa kelisimsharttarmen óńirdiń áleýmettik damýyna tólemder jasaý mindeti júktelgenimen búgingi kúnge onyń 42-inde jalpy 357 mln teńge kóleminde bereshekteri bar.
«Oblystyq tabıǵat resýrstary jáne tabıǵatty paıdalanýdy retteý basqarmasy qaryzdardy óndirý boıynsha sotqa bar bolǵany 191,2 mln teńge kóleminde ǵana 12 tabıǵat paıdalanýshyǵa qatysty talap-aryz bergen. Shaǵym ýaqtyly berilmegendikten onyń 12-sin sot qanaǵattandyrmady. Osy negizde qalǵan 30 tabıǵat paıdalanýshydan da qalyptasqan 111,4 mln teńge bereshegin óndirýge múmkindik joq»,- dedi Artyqbek Pashaev.
Al, sý qorǵaý beldeýinde ornalasqan 20 jer qoınaýyn paıdalanýshylardyń tek 8-imen ǵana kelisimshart buzylǵan. Ekologııa departamentiniń qorytyndysyna sáıkes jer qoınaýyn paıdalanýdy toqtatpaǵan kásipkerlik sýbektilermen 182,5 myń m³ qıyrshyq tas óndirilip, qorshaǵan ortaǵa 500 mln teńgeden astam zalal keltirilgen. Sonymen qatar, jer qoınaýyn paıdalanýdyń saldaryn joıý kezinde de zań talaptary oryndalmaǵany anyqtalǵan.
Oblys kóleminde kelisimshart merzimderi aıaqtalǵan 32 jer qoınaýyn paıdalanýshy QR «Jer qoınaýy jáne jer qoınaýyn paıdalaný týraly kodeksiniń» 54-babyna sáıkes ózine berilgen ýchaskede jer qoınaýyn paıdalaný jónindegi operatsııalardyń saldaryn joımaǵan. Nátıjesinde jer degradatsııaǵa ushyrap, qorshaǵan ortaǵa asa iri kólemde zııan keltirilýde.
Otyrys qorytyndysy boıynsha qylmystyq qýdalaý organdaryna jer qoınaýyn zańsyz paıdalanýshylarǵa jáne oǵan áreketsizdik tanytqan laýazym tulǵalarǵa shara qoldaný týraly nusqaý berildi.
