Túrkistan oblysynda jer qoınaýyn zańsyz paıdalanýshylar azaımaı tur
Polıtseıler Saýran aýdanynda qujatsyz júk kóligin aıdap, qıyrshyq tas pen qum tasymaldaǵan 10 júrgizýshini jaýapqa tartty. Quqyq buzýshylarǵa qatysty QR ÁQBtK-niń 139-baby (jer qoınaýyna memlekettik menshik quqyǵyn buzý) boıynsha hattama toltyryldy. Al avtokólikter aıypturaqqa qoıyldy.
Atalǵan quqyq buzýshylyqtarǵa qatysty jınaqtalǵan materıaldar zańdy sheshim qabyldaý úshin Túrkistan oblysy boıynsha Ekologııa departamentine joldandy.
«Túrkistan oblysy polıtsııa departamenti bastyǵynyń tapsyrmasy aıasynda, uıymdasqan qylmysqa qarsy kúres basqarmasy jáne jergilikti polıtsııa qyzmetiniń qyzmetkerleri jer qoınaýyn zańsyz paıdalanýdyń jolyn kesý boıynsha jedel-profılaktıkalyq is-sharalardy turaqty túrde júrgizip keledi. Jedel ýákilder men tabıǵatty qorǵaý ınspektsııasy birlesip júrgizgen reıd jumystarynyń barysynda jer qoınaýyn zańsyz tasymaldaý men paıdalanýdyń 53 faktisin anyqtaldy. Aıypturaqqa 20-dan astam avtokólik pen ekskavator-tıegish qoıyldy. Aldaǵy ýaqytta bul baǵyttaǵy is sharalar óz jalǵasyn tabady»-delingen Túrkistan oblysy polıtsııa departamentiniń baspasóz qyzmeti taratqan aqparatta.
