Túrkistan oblysynda «Jeńis marafony» ótti
Túrkistan oblysy ákimdiginiń qoldaýymen uıymdastyrylǵan sharaǵa 300-ge jýyq adam qatysty. Marafon ıAsaýı kesenesi aldyndaǵy Almaty arbatynan bastaý alyp, Nursultan dańǵyly arqyly «Esim han» alańynda márege jetti. Sondaı-aq, «Jeńis marafony» Túrkistan oblysynyń ózge de aýdandarynda bir ýaqytta uıymdastyrylyp, olarǵa 1 myńǵa jýyq adam qatysty.
Túrkistandaǵy marafonǵa qatysýshylar shamamen 2 shyqyrymdaı qashyqtyqqa júgirdi. Sharanyń maqsaty - Ekinshi dúnıejúzilik soǵysta qaza tapqan jaýyngerlerdiń rýhyna taǵzym etý.
Oblystyq Dene shynyqtyrý jáne sport basqarmasy basshysynyń orynbasary Aıtmahametáli Berdashev qatysýshylardy Uly jeńistiń 74 jyldyǵymen quttyqtap, sáttilik tiledi.
«Otan qorǵaýshy kúni men Jeńistiń 74 jyldyǵyn merekeleý sheńberinde oblys ákimdiginiń bastamasymen «Uly Jeńis marafony» ótýde. Oǵan sport mektebiniń ujymdary, jastar basqarmasy, oblystyq sottyń qyzmetkerleri men qala turǵyndary atsalysýda. Saıys joǵary deńgeıde ótýde. Qatysýshylar jaqsy daıyndyqpen kelgen. Barlyǵy 300 adam júgirdi», - dedi Aıtmahametáli Berdashev.
