Túrkistan oblysynda jeńildetilgen nesıemen kásibin dóńgeletkender qatary kóbeıip keledi

TÚRKІSTAN. QazAqparat – Túrkistan oblysynda jeńildetilgen nesıe alyp, óz kásibin dóńgeletip otyrǵandar qatary artyp keledi. Jyl basynan beri Qazyǵurt aýdanynda 2,5 myńnan astam turǵyn qarjy uıymdarynan 2 mlrd 283 mln teńge jeńildetilgen nesıe alyp, óz jumystaryn bastaǵan, dep habarlaıdy QazAqparat tilshisi.

Aýdan ákimi Arman Abdýllaev nesıe alyp, óz jumysyn bastaǵan birqatar kásipkerlerdiń jumys barysymen tanysty. Qazyǵurt aýyl okrýgindegi turǵyndardyń biri 3,5 mln teńge qarjy alyp, óz úıiniń mal qorasynda iri qara mal bordaqylaýda.

Ózge turǵyn 2,5 mln teńge qarjyǵa óz aýlasynan shaǵyn gazoblok shyǵaryp, keleshekte arnaıy tseh qurylysyn salmaq. Sóıtip óndiris kólemin ulǵaıtýdy josparlap otyr. Jergilikti turǵyn Nurjan Muratov jıhaz jasaý tsehyn ashyp, aýdan azamattaryn jumyspen qamtýda. Taǵy bir aýyl turǵyny Joraly Narymbetov 6,8 mln teńgege óz aýlasynan qora salyp, 6 túıe asyraýda. Qymyran daıyndap, kópshiliktiń yqylasyna bólenýde. Aldaǵy ýaqytta túıe basyn kóbeıtýdi josparlaýda.