Túrkistan oblysynda jeńil kólik júk kóligimen soqtyǵysty

ASTANA. QazAqparat - Túrkistan oblysynda jeńil kólik júk kóligine soǵylyp, júrgizýshisi mert boldy, dep habarlaıdy Rolisia.kz.

«28 qazanda Túlkibas aýdany polıtsııasynyń kezekshi bólimine Batys Qytaı - Batys Eýropa tas jolynyń 651 shaqyrymynda jol apaty oryn alǵany týraly habarlama kelip tústi. Oqıǵa oryn alǵan jerge polıtsııa qyzmetkerleri shuǵyl jetti.

Shymkent qalasynyń turǵyny Renault júk kóligimen Almatydan Shymkentke ózimen bir baǵytta júrip kele jatqan Mazda 626 kóliginiń artqy bóliginen soǵyp, jol-kólik oqıǵasyn jasaǵan» delingen habarlamada.

Oqıǵa saldarynan Mazda 626 kóliginiń júrgizýshisi aýrýhanaǵa jetkizilip, jansaqtaý bóliminde qaıtys boldy.

Qazirgi tańda QR QK-niń 345-baby (Jol qozǵalysy jáne kólik quraldaryn paıdalaný erejelerin buzý) boıynsha sotqa deıingi tergeý amaldary júrgizilýde. Oqıǵanyń barlyq mán-jaıy anyqtalý ústinde.