Túrkistan oblysynda jeńil kólik aıaldamaǵa soǵylyp, úsh adam japa shekti
ASTANA. QazAqparat - Túrkistan oblysynda jeńil kólik aıaldamaǵa soǵylyp, úsh adam japa shekti, dep habarlaıdy Rolisia.kz.
Oqıǵa ornyna jetisaılyq polıtseıler jedel jetti. Anyqtalǵandaı, bir baǵytta kele jatqan «BMW-525» markaly avtokóligi men «LADA GRANTA» soqtyǵysqan. Saldarynan «BMW-525» kóliginiń júrgizýshisi rýldi ıgere almaı, joldyń oń jaq betinde ornalasqan aıaldamany soqqan. Al aıaldamada ornalasqan tamaqtaný ornynda 2 daıashy jumys istep jatqan. Jol apaty saldarynan 2 daıashy men avtokólik júrgizýshileri Jetisaı aýdandyq aýrýhanasyna kóringen. Qazirgi tańda jaǵdaılary jaqsy.
Tártip saqshylary jol-kólik oqıǵasy boıynsha tekserý jumystaryn júrgizýde. Saraptama taǵaıyndaldy. Oqıǵanyń tolyq mán-jaıy anyqtalýda. Jol apatyna qatysýshy júrgizýshilerge QR ÁQBtK-niń 610-babymen hattama toltyryldy. Aldaǵy ýaqytta saraptama qorytyndysymen kináli júrgizýshi jaýapqa tartylatyn bolady.
Foto: t.me/POLICE_of_KZ
