Túrkistan oblysynda jeńgetaılyqtyń 7 faktisi anyqtaldy
TÚRKІSTAN. QazAqparat – Túrkistan oblysynda 10 jeńgetaı men 30 jezókshe anyqtaldy, dep habarlaıdy QazAqparat tilshisi.
Túrkistan oblysynyń Polıtsııa departamenti jeńgetaılyqqa, adam saýdasyna jáne basqa da quqyqbuzýshylyqtarǵa qatysty qylmystardy ashý maqsatynda jedel-profılaktıkalyq is-shara ótkizdi. Reıd barysynda oblys aýmaǵynda jeńgetaılyq pen prıton uıymdastyrýdyń 7 faktisi anyqtaldy.
PD baspasóz qyzmetiniń málimetinshe, polıtseıler monshalar men qonaqúılerdi, oıyn-saýyq ǵımarattaryn, prıtondar bolýy yqtımal basqa da jerlerdi teksergen.
«Krımınaldyq polıtsııa basqarmasynyń polıtseıleri Saryaǵash qalasynda 2 qonaqúıden prıtondy anyqtady. Onda jedel ýákilder aqshalaı syıaqy úshin ıntımdik qyzmet kórsetken jeńil júristi tórt qyzdy tapqan. Olardyń barlyǵy Ózbekstan Respýblıkasynyń azamatshalary bolyp shyqty», - delingen aqparatta.
Al, Saıram aýdanynda saýna men qonaqúıden de jezóksheler tabylǵan. Onda jeńil júristi 8 qyz anyqtaldy. Onyń bireýi Ózbekstan Respýblıkasynyń azamatshasy bolsa, qalǵandary – jergilikti turǵyndar.
Prıton men jeńgetaılyqty uıymdastyrǵan áıelder de ustaldy.
«Shara barysynda qonaqúıler men saýnalardy jalǵa bergen ıeleri jaýapqa tartylyp, QR ÁQBtK-niń 450-babymen («Kórineý jezókshelikpen aınalysý nemese jeńgetaılyq úshin úı-jaılar usyný») hattama toltyryldy», - dedi PD-dan.
Sondaı-aq bir-bir faktiden Maqtaaral, Qazyǵurt, Jetisaı aýdandarynda da anyqtalǵan.
«Jalpy, reıd barysynda tártip saqshylary 30-dan astam jeńil júristi qyz-kelinshek pen 10 tulǵany «Jeńgetaılyqpen» esepke aldy. Barlyq jaıttar boıynsha sotqa deıingi tekserý amaldary júrgizilýde», - dep atap ótti polıtsııada.
