Túrkistan oblysynda jeńgetaılyqpen aınalysqan saýna ákimshileri anyqtaldy
TÚRKІSTAN. QazAqparat – Túrkistan oblysynda «Stop-trafık» jedel-profılaktıkalyq is-sharasy ótkizilip, onda prıton uıymdastyrǵan saýna ákimshileri ustaldy. Shara kezinde birqatar qonaq úı men oıyn-saýyq oryny tekserilip, jezókshelikke qatysty 4 jaǵdaı anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, tártip saqshylary óńirdegi monsha keshenderi men basqa da nysandarǵa baryp, zańsyz adam saýdasyna qatysty tekserý júrgizdi. Nátıjesinde krımınaldyq polıtsııa qyzmetkerleri Qazyǵurt aýdanyndaǵy saýnalardyń biriniń ákimshisin ustady. Shymkent qalasynyń turǵyny saýnaǵa kelýshilerge ıntımdik qyzmet kórsetý úshin jeńil júristi qyzdardy syıaqy retinle usynǵan. Sol kúni tártip saqshylary Saryaǵash aýdany aýmaǵynda taǵy bir jeńgetaılyq dereginiń jolyn kesti. Onda da qonaq úılerdiń biriniń saýna ákimshisi 5 myń teńgege jeńil júristi qyzdy shaqyryp bergen.
«Qazirgi ýaqytta Qylmystyq kodekstiń 309-baby «Jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq« boıynsha sotqa deıingi tergeý amaly júrgizilip jatyr. Kúdiktiler qolhatpen bosatylǵan. Olardan zattaı aıǵaq alyndy. Sondaı-aq, profılaktıkalyq esepke 10 jeńil júristi qyz qoıyldy» delingen habarlamada.
