Túrkistan oblysynda jemqorlyq táýekelderi 50%-dan 2%-ǵa tómendedi

None
None
NUR-SULTAN. QazAqparat – Túrkistan oblysynda jemqorlyq táýekelderi 50%-dan 2%-ǵa tómendedi. Bul týraly AntikorLive baǵdarlamasynda aıtyldy, dep habarlaıdy QazAqparat tilshisi.

«Túrkistan oblysynda Smart Nation júıesi engizildi. Atalǵan júıe arqyly jalpy orta bilim berý uıymdary pedagogtardy jumysqa qabyldaýdy retteı alady, sondaı-aq dırektorlardy konkýrstyq taǵaıyndaý protsesine adamı faktordy toqtatýǵa bolady. Júıege 8456 pedagog pen tehnıkalyq qyzmetkerdiń bos jumys oryndary týraly habarlamalar ilindi. Nátıjesinde 2243 adam jumysqa qabyldandy. Onyń 1479-y – pedagog, 764-i – tehnıkalyq qyzmetker», - deıdi Túrkistan oblysy ákiminiń orynbasary Sáken Qalqamanov.

Onyń aıtýynsha, Túrkistanda mektepke jumysqa turý úshin para berý kerek degen áńgime qalyptasyp qalǵan.

«Bul máseleni joıdyq dep aıta almaımyz, biraq soǵan kele jatyrmyz. Dırektorlar jáne jumysqa ornalasatyn azamattardyń baılanysyn úzdik dep aıtýǵa bolady. Óıtkeni qazir qujattardy tapsyrý úshin eshkimniń kómegine júginýdiń qajeti joq. Smart Nation júıesiniń taǵy bir jaqsy tusy – balabaqshaǵa búldirshinderdi qabyldaýdy retteıdi. Qazirgi ýaqytta 82 136 bala osy júıe arqyly kezekke turyp, olarǵa elektrondy túrde 71 623 joldama berildi.

Bıyl daryndy balalar oqıtyn mektep-ınternatqa qabyldaý da avtomattandyrylyp, 54 751 oqýshy mektepke atalǵan portal arqyly qabyldandy.

Sondaı-aq, Smart Nation portaly Enbek.kz portalymen ıntegratsııalanyp, nátıjesinde sybaılas jemqorlyq táýekelderi 50%-dan 2%-ǵa tómendedi», - deıdi ol.


Сейчас читают
telegram