Túrkistan oblysynda jedel járdem qyzmetkerleri ýlanyp qalǵan bir otbasyny qutqardy
TÚRKІSTAN. QazAqparat – Túrkistan oblysynyń Tóle bı aýdanynda bútin bir otbasy gazdan ýlanyp qaldy. Aralarynda 2 jáne 3 jasar búldirshinniń hali aýyr, dep habarlaıdy QazAqparat tilshisi.
Shaqyrtýǵa shuǵyl túrde jetken Túrkistan oblystyq medıtsınalyq jedel járdem qyzmetkerleri der kezinde kómek kórsetip, gazdan ýlanǵandardyń barlyǵyn aman alyp qaldy.
Kómekke kelgen úsh jedel járdem toby jeti adamdy Tóle bı aýdandyq ortalyq aýrýhanasyna jetkizgen. Qazir otbasy músheleriniń ómirlerine eshqandaı qaýip tónip turǵan joq.
Olar der kezinde medıtsınalyq járdem kórsetken mamandarǵa alǵys bildirdi. Jalpy, jyl basynan beri oblystyq jedel járdem qyzmetiniń ortalyǵyna 43 myńǵa jýyq shaqyrtý túsken. Aralrynda júregi toqtap, ómiri qyl ústinde turǵan naýqastar da bolǵan. Olar jedel-járdem qyzmetiniń alǵashqy kómeginiń arqasynda aman qaldy.
Qazirgi tańda óńirde 200-ge jýyq medıtsınalyq jedel járdem toby qyzmet atqarýda.
