Túrkistan oblysynda jaz maýsymy bastalǵaly 25 adamdy qaraqurt shaqty
TÚRKІSTAN. QazAqparat - Túrkistan oblysynda jaz maýsymy bastalǵaly beri 25 adamdy qaraqurt shaǵyp alǵan. Bul týraly óńirdiń Densaýlyq saqtaý basqarmasynyń baspasóz qyzmeti málimet taratty, dep habarlaıdy QazAqparat tilshisi.
Basqarma mamandarynyń habarlaýynsha, ýly jándik shaqqandardyń barlyǵy oblystyq joǵary qysymdy oksıgenatsııa ortalyǵynyń toksıkologııa bólimine jatqyzylǵan. Qazir atalǵan ortalyqta em qabyldap jatqan 10 adamnyń beseýi balalar. Aýrýhanaǵa aýyr halde túsken alty jastaǵy bala qazir jansaqtaý bóliminde jatyr.
Bólim meńgerýshisi Asylhan Myńbosynovtyń aıtýynsha, ázirge jándik shaqqandardyń arasynda ólim jaǵdaıy tirkelmegen. Arnaıy saraptama kórsetkendeı, ýly jándik kóbine túngi ýaqytta shaǵady. Sondaı-aq jel turǵan kezderi de olardyń qatary kóbeıip ketetin kórinedi.
