Túrkistan oblysynda jaıylymnan jylqy urlaǵan qylmystyq top ustaldy
TÚRKІSTAN. QazAqparat - Túrkistan oblysynda jaıylyp júrgen 14 jylqyny aıdap áketken qulmystyq top músheleri ustaldy. Kúdiktiler jábirlenýshilerge 6 mln teńgeden astam shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Saryaǵash aýdanynda polıtsııa qyzmetkerleri jergilikti bazarlardyń birinen mal satyp turǵan kúdikti eki jigitti baıqaıdy. Olardy tekserý barysynda satyp turǵandary urlanǵan mal ekeni anyqtalǵan. Kúdiktilerdiń qolyna sol jerde kisen salynyp, ózge sybaılastaryn izdeý sharalary júrgizilgen.
Tártip saqshylary mal urlaǵan toptyń quramynda Maqtaaral aýdanynyń tórt turǵyny bar ekenin anyqtap, tórteýi de polıtsııa bólimine jetkizildi. Tergeý kezinde seziktiler óz qylmysyn moıyndap, atalǵan jaıtqa qatysty QR QK 188-babymen sotqa deıingi tekserý amaldary júrgizilýde. Kúdiktiler qamaýǵa alynyp, aıǵaqt retinde alynǵan jylqylar zańdy ıelerine tapsyryldy. Ustalǵandardyń taǵy da basqa qylmystyq jaıttarǵa qatystary bar-joqtyǵy anyqtalý ústinde.
