Túrkistan oblysynda Jaıly mektep ulttyq jobasy aıasynda 60-tan astam mektep salynady

TÚRKІSTAN. QazAqparat- Túrkistan oblysynda «Jaıly mektep» ulttyq jobasy aıasynda 60-tan astam mektep salynady, dep habarlaıdy QazAqparat tilshisi.

Búginde elimizde «Jaıly mektep» jalpyulttyq jobasy júzege asyp jatyr. Atalǵan joba aıasynda Túrkistan oblysynda jańa formattaǵy 60-tan astam mektep salynady dep kútilýde. Onyń jartysynyń qurylysy bıyl bastalady.

Joba aıasynda ashylǵan mektepter zamanaýı qurylǵylarmen tolyq jabdyqtalady. Zerthanalarmen qamtamasyz etiledi. Bastaýysh synyptaryna arnalǵan jeke blog bolady. Mundaǵy maqsat – oqýshylar men oqytýshylarǵa qolaıly ári qaýipsiz jaǵdaı jasaý jáne bilim berý qyzmetiniń sapasyn arttyrý.

Atalǵan mektepterdiń qurylys jumystaryna bedeldi ári básekege qabiletti kompanııalar tartylady. Sonymen birge jumys barysy qatań qadaǵalanady. Ol iske asa bilikti tehnıkalyq qadaǵalaýshylar shaqyrylmaq. Sondaı-aq bul mektepter halyq kóp shoǵyrlanǵan aýmaqtarda ornalasady.